محمد علي دنيلسون يرثي أستاذ الأجيال عثمان الكناني عرقلة

مرثية لأستاذ الأجيال الراحل عثمان إبراهيم الكناني عرقلة
رحل الغمام الكان دليل
رحل الجميل الكنا ليهو دوام نميل
ما اصلو حال الدنيا تنزل دمعة فوق الدمعة لما تسيل
بس دمعتنا زي سيلا رواهو النيل
ما اختلفنا عليك أبدا ياهو شخصك يا جميل
ربيتناا بأروع صفات أخلاق ملائكة وذوق اصيل
صابر وجابر كل عيب تبكيك الشوارع والنخيل
درس العصر وفريقك الدايم سبيل
لا فكرت في انك تكون غنيان عديل
بس حاب تكون انسان بسيط وملاك نبيل
تفاصيل حياتك لمماتك غصن اخضرّ وضل ضليل
في بساطتك ابتسامتك وفي صراحتك عشنا جيل
كم وكم مرت عليك اجيال عديدة في الدراسة وفي الرياضة وفي الرحيل
نشهد بأنك كنت قامة وقيمة ضاوية في ليل طويل
نسأل المولي الكريم تدخل الجنة فنعم السبيل
وداعاً معلمي وقدوة الأجيال وسنرد لك الجميل
ابنك محمد علي دينلسون